كل ما احاول ابتسم
الاقى الحزن ع الخد بيترسم
ينزف لحظات جارحة
يقتل فرحة
والاقى عيونى
من تانى لنفس الدمعة سارحة
ومعرفش بس امتة ياحزن
صوتك راح ينكتم

آة ياوطن

آة ياوطن

سابح فى ليل طويل

لا ضى قمر

لا طيف أمل

والحياة فيك

شئ مستحيل

بهلوان

ولبست ميت ألف وش

وغرقت نفسى بالألوان

يمكن أنسى

لما القى

فى عيون الناس

أبتسامة تنسينى

قساوة الالام

ولا قدرت انسى

ولا قدرت اخبى

والدمعة نزلت على خدى

وفضحت المستخبى

والمستخبى يألم

حزن يكتم

لكن من كتر الحزن

عشقت الأحزان

ياليل ياللى مضلم خيالى

ياصبح ياللى مابتشرق
وتغيرلى حالى
ياعمر نفسى أعرف
بس أعرف
تطلع أنتا أية بالنبسالى؟!
ولية أنا
لسة زى ما أنا .