الثلاثاء، 2 ديسمبر 2008


كل ما احاول ابتسم
الاقى الحزن ع الخد بيترسم
ينزف لحظات جارحة
يقتل فرحة
والاقى عيونى
من تانى لنفس الدمعة سارحة
ومعرفش بس امتة ياحزن
صوتك راح ينكتم

الخميس، 13 نوفمبر 2008

آة ياوطن



آة ياوطن

سابح فى ليل طويل

لا ضى قمر

لا طيف أمل

والحياة فيك

شئ مستحيل

الخميس، 30 أكتوبر 2008

بهلوان


ولبست ميت ألف وش

وغرقت نفسى بالألوان

يمكن أنسى

لما القى

فى عيون الناس

أبتسامة تنسينى

قساوة الالام

ولا قدرت انسى

ولا قدرت اخبى

والدمعة نزلت على خدى

وفضحت المستخبى

والمستخبى يألم

حزن يكتم

لكن من كتر الحزن

عشقت الأحزان

الاثنين، 27 أكتوبر 2008


ياليل ياللى مضلم خيالى
ياصبح ياللى مابتشرق
وتغيرلى حالى
ياعمر نفسى أعرف
بس أعرف
تطلع أنتا أية بالنبسالى؟!
ولية أنا
لسة زى ما أنا .